香港國際創客節係香港一年一度嘅國際盛會，得到香港政府、國家網信辦同海內外知名人士嘅大力支持，甚至吸引唔少外國傳媒報導。而今年嘅創客節已經喺25號正式開幕，當日仲有好多名人出席同演講添～
當日最受注目嘅演講嘉賓一定係螞蟻金服首席執行官井賢棟，佢旗下嘅支付寶近排開始進攻香港，有街市已經採用支付寶做收錢工具，相信遲啲好大機會喺香港繼續擴展業務。佢喺演講入面亦寄語年青人要認清世界經濟局勢，又話中國經濟已經領先全球，希望香港年青人可以藉住中國崛起而向上爬。～井賢棟演講傳送門
香港國際創客節過去都幫到唔少年青創業者成功創業，就好似上年嘅「創匯021」路演，就成功幫到好多年青創業者接觸投資者，同接觸一啲對營商有經驗同幫到佢哋嘅導師。有唔少創業者仲成功透過路演得到投資者資金上嘅支持，對佢哋嚟講真係一個好大嘅鼓舞！
嚟緊12月仲會有多場論壇，有興趣嘅朋友記住mark定schedule喇～
圖片及資料來源: 創客節官方網站
撰者：笑口棗
