旺角行人專用區有街霸? 要俾保護費先可以開檔

Kinnie Cheuk 12 Jan, 2018



大家去旺角行人專用區嗰陣有無奇怪點解啲大媽永遠都可以喺同一個位擺檔?有學生final project就去咗旺角研究,發現原來呢度有街霸,喺度開檔前都要先交保護費。


佢哋總共去咗4個位置打算開檔,第一個位置就已經俾一班「易拉架人」趕走。佢哋話成條街有規有矩,嗰個位置預咗俾佢哋放易拉架,要唱歌就要去其他位。




去到第二個位又俾一個男人趕,男人話呢度有其他人用,其他人已經喺度放咗5年,仲叫班學生唔好霸咗人哋個位。




第三個位繼續俾人趕。



到第四個位嗰陣,有個女人行埋嚟,話如果唔俾錢喺呢度根本就無可能霸到位,先到先得喺呢度行唔通。




跟住仲開價可以$200俾佢哋喺度唱一個鐘,亦講到明喺度想開檔唱歌一定要俾錢。佢亦話價錢按位置而定,如果要喺街頭唱要$100一首。




警方就話喺行人専用區收錢係犯法,如果佢哋見到一定會執法,但以咁耐以嚟低得可憐嘅檢控數字嚟睇,警察成日咩都見唔到喎~



如果各位喺旺角見到任何懷疑違法嘅事,例如非法收錢或者嘈音超標,都應該一盡好市民責任向警方報案呀!旺角警署電話:3661-1642 


圖片及資料來源:[email protected] Yi Lam
撰者:Yee

聯 絡 我 們