火燭後開朗面對笑住自拍 內地90後情侶爆紅

Yanica Chau 15 Jan, 2018


火燭對好多人嚟講,簡直係一場惡夢。日前廣西有一對小情侶,屋企部電暖爐突然起火,雖然及時將火救熄,但仍然造成損失。不過依對情侶唔單些無唔開心,仲拎埋相機拍片同影相,放上網後意外爆紅。


據內媒報導,佢地本身用屋企個電暖爐哄乾緊衫,男子去緊廁所果陣,突然聞到有燶味,發現火燭後即刻叫醒女友叫佢離開,再自己拎滅火筒滅火。

雖然火就救熄咗,但屋企梳發同地氈都已經比火燒咗,全屋灰黑一片,男子表示,「看見那個情況,又想笑又想哭的,看見滿臉灰塵就想笑啊,笑了就紀念一下唄」。既然唔發生都發生咗,所以就決定正面面對依件事。



喺片段開頭見到男子喊咗幾秒後,就突然崩潰大笑,可能佢都覺得依個情況太不可意義!之後佢地仲拎起唔同物品玩起自拍,加上佢地滿佈污漬,睇落相當滑稽。但喺影片最後,佢地都有提醒民眾冬天特別乾燥,要注意防火,同埋要笑住面對一切!


最後佢地仲被廣西桂林隊邀請佢地到消防局,了解防火安全的意識同如何使用防火措施,順便向大眾推廣埋防火意識。


資料來源:weibo


圖片來源:weibo


撰文:Yanica


 




聯 絡 我 們