應采兒要追多個?陳小春夢想成真

Kinnie Cheuk 17 Jan, 2018



陳小春同應采兒近排上咗大陸綜藝節目《三個院子》,體驗做包租公包租婆。喺最新個集,應采兒嘅好姐妹秦嵐同劉芸做節目嘉賓,夜晚一齊食飯個陣,應采兒好肯定咁話:「我會生二胎」。



之前《爸爸去哪兒》已經睇得出陳小春愛女心切,集集都見佢捉住小泡芙玩,仲講到出口自己好想要個女,當時應采兒就無表態。



但喺最新一集《三個院子》,當應采兒好朋友劉芸講到自己年紀已經大生唔到嗰陣,應采兒就突然宣佈「我要,我可能生」,陳小春聽到仲即刻面露微笑添,睇嚟佢哋已經傾掂數,好快就要開展造人大計啦~



《爸爸去哪兒》嗰陣好多人已經話Jasper好温柔,一定會係一個好哥哥,相信大家同小編一樣都好期待陳小春一家四口上節目呀!唔知今次佢會追女成功定追多個細佬俾Jasper呢~



《三個院子》係陳小春同應采兒做大屋主人,每個星期都會有唔同客人到訪,節目主要睇下佢地遇到唔同挑戰會點應對。不過收視就麻麻,唔知係咪因為咁應采兒就大爆想生多個幫節目搶返啲收視呢~


圖形及資料來源:愛奇藝,微博
撰者:Yee

聯 絡 我 們