日本靜岡市立圖書館琴日喺twitter貼咗一張圖引起好多人嘅注意，愛書人睇到呢一幕一定會傷心死。
圖片喺書本嘅其中一頁，上面整頁竟然比人用釘書釘釘滿咗。書本嘅後頁因為咁而打唔開嘅同時，將啲釘拔走又會令到本書爛得更誇張。
據負責人嘅情報，呢本書會放喺一個所有人都拎得到嘅書架上面。7月29日嘅時候，有讀者拎起本書嘅時候就發現書本已經被人破壞，所以佢就向圖書館管理員報告。
而圖書館管理員都話書本比人咁樣用釘書釘破壞喺第一次發生，之前從來未試過。喺唔知道犯人點解要咁做嘅情況下，只好喺網上講比大家聽叫人唔好咁做。
而呢本書喺由埃利希·克斯特納所著嘅《The Flying Classroom》，屬於兒童讀物。最初發行就要追溯返去1933年，而今次被破壞嘅書都已經喺1962年出版。歷來太過舊嘅書都有機會被圖書館廢棄，只要有再版嘅圖書都可以用新嘅嚟替代，但喺太舊嘅作品就可能無辦法買得返。所以咁樣嘅情況就好有可能買唔返，對於讀者嚟講就會少咗一個選擇喇。
撰文：Oliver Fong
