東京醫科大學醫學科嘅入學試,日前爆出醜聞。醫學科入學試分數,女性考生被暗中減分,意圖拉低女性合格者人數。

" /> 蟻民 Ants Public

東京醫科大學入學試 女性考生一律減分

Oliver Fong 27 Aug, 2018


東京醫科大學醫學科嘅入學試,日前爆出醜聞。醫學科入學試分數,女性考生被暗中減分,意圖拉低女性合格者人數。


對於女性不利嘅操作,從來未有對外透露,自2011年起的考生都喺不知情的情況下參加考試。大學入學試因應性別而調整評分,在社會引起強烈的討論。認為做法倒行逆施,有性別歧視之嫌。


現時東京醫大嘅醫學科入學試,首先以數學、理科、英文嘅選擇題方式作為第一次考試。高分嘅考生會進入第二次甄選,包括寫作一篇小論文同面試。最後再將第一次考試嘅分數合計,嚟決定會否取錄考生。


圖表2


今次爆出嘅減分操作,在於考慮到女性醫師過往有因為結婚或產子而離職嘅可能性,而造成醫院嘅醫生不足影響醫院運作。喺枱面下對女性不利嘅操作,不論是女性考生或女性醫生亦有聲音認為喺「落後於時代」嘅做法。但爆料嘅關係者認為呢個做法喺「必要嘅惡」,即使知道做法不公,但喺有助維持整個醫療體系。而心水清嘅網友更加認為,男女同樣付出高昂考試收費,對女性嚟講某程度上喺欺詐。


而佢就講出對女性合格考生嘅抑制數量意圖由2011年開始,此前嘅2010年女性合格率人數比男性更高。喺緊急手術較多而上班時間又不定嘅外科,通常女性醫生都會敬而遠之,隊內更有「一位男生可以頂上三位女生」嘅說法。現時東京地檢特搜部亦都介入事件,醫大也正在進行內部調查確認事件嘅真確性。


圖表


撰文:Oliver Fong

聯 絡 我 們