喺香港行山可以野生捕獲發哥，對於行山常客嚟講，喺山上面咩都可以遇到。但喺喺美國嘅呢一位登山客就遇上咗性命攸關嘅難題，喺山上同一隻狗狗展開一場戲劇性嘅故事。
據發佈環境保護消息嘅MNN喺7月31日報導，喺美國懷俄明州嘅大提頓峰，有一位任職代課教師的女性Tier Vargas同佢嘅爸爸正進行每年一度嘅登山活動。今年佢哋就希望能夠登上山頂，山頂標高4197米。
但當佢地行到途中標高3350米嘅時候，就發現有一隻因為受傷而行唔到嘅獵犬。同時作為健身教練嘅Tier隊佢自己嘅體力都有自信，決定將重約25kg嘅獵犬運送到10km遠嘅登山入口度。
但喺喺咁傾斜嘅山路抬著一隻咁重嘅獵犬移動比想像中困難，途中都幾次都要幾次放低休息。加上有積雪、落雨同倒下嘅樹木攔路，搞到搵唔到路咗兩次。Tier喺採訪入面提到自己都想放棄，腳痛之外更會震抖。但每當想放棄嘅時候，就會讚美禱告。加上爸爸會講吓笑話，自己好快就會充滿返力量。好似天使嚟咗將獵犬抬起咗咁，令佢可以行到最後。
當返到去登山口，竟然發現一張紙寫住「我唔見咗隻叫Boomer嘅狗，請聯絡呢個號碼。」Tier立即就打電話過去，發現Boomer厚來喺佢發現嘅前日由30米高嘅懸崖跌落，更翻滾咗60米遠。當飼主一家人去滾落嘅地方搵嘅時候，Boomer已經唔見咗。搵到天黑都唔見，就只好貼街招搵。本來飼主都以為Boomer已經凶多吉少放棄，但意外地知道原來仲生存嘅時候，大家都好開心。
其實本來飼主一家已經決定搬去亞利桑那州住，所以已經養唔到Boomer，搵緊第二家繼續養。今次知道Boomer意外生還，就問Tier會唔會成為Boomer嘅主人。當然經歷過咁多事之後，Tier都好樂意接受。好彩Boomer嘅傷勢比想像中細，雖然有甩臼同靭帶斷裂，但都已經好返晒。
Tier屋企嘅小朋友好早之前已經想養狗，但因為時間同體力問題一路被拒絕。Tier就話「除非有隻狗從天而降就會養。」估唔到今次會以咁嘅形式滿足呢個條件。
撰文：Oliver Fong
