【空肚飲檸水】教你最簡單、經濟嘅美容法

Irene Leung 10 Nov, 2016



晨早嘆個早餐就梗係正啦,不過最估你唔到嘅係─空肚飲檸水仲有神效!專家話晨早起身飲一大杯『溫熱檸檬水』,唔單只可以排毒、瘦身;仲可以幫你淨化腸道,簡直可以話係養生良方。一齊嚟睇下,細細嘅檸檬,點樣發揮佢嘅強大功效啦!


 


1. 排消毒素
只要每日一杯熱檸水,就可以幫助肝臟排走毒素,亦有助於泌尿系統運作。



  


2. 幫助消化
檸檬可刺激胃腸道,增加腸胃蠕動,有助身體吸收營養,幫助消化。



 


3. 瘦身減肥
檸檬含有可溶性纖維有助於增強飽腹感,進而控制食慾,達到減肥效果。



 


4. 舒緩不舒
檸檬汁嘅黃酮素可以減少胃酸,一杯熱檸水就可舒緩胃氣同腹脹。



 


5. 保持口氣清新
檸檬水具有殺菌作用,能殺死口腔中的有害細菌,令口氣清新。




6. 美白肌膚
檸檬含豐富維生素C,可保持肌膚彈性;而檸檬酸就有助減少黑斑、雀斑嘅形成,達到美白作用。薏米檸檬水,可加倍美白!



 


【溫馨提示】
1. 建議大家喝完檸檬水後,記得漱口,因為檸檬酸會侵蝕牙齒、造成牙齒脫鈣。
2. 胃酸過多的人,可將檸檬水泡淡一點,或加入蜂蜜一起飲用。


 


圖片來源:Instagram
撰文:Irene Leung

聯 絡 我 們