美國總統大選結束，特朗普出乎意料戰勝希拉里成為美國侯任總統，將於2017年1月20日宣誓就職。
由呢位狂人做世界總統導致人心惶惶，有人甚至擔憂第三次世界大戰不遠矣！特朗普狂人狂語令人「跌曬眼鏡」，小編發現原來佢20年前已經「大癲大廢」，係美國職業摔跤（World Wrestling Entertainment）比賽嘅常客添！！
▲身為摔跤迷嘅特朗普同 WWE 總裁關係好好，佢喺2007年《第23屆摔跤狂熱》擂台上親自參加比賽，當時客串裁判 Stone Cold Steve Austin，就喺台上直接摔倒特朗普，打到佢「趴街」，果刻有邊個知佢將來會係美國總統呢？
▼最令人印象深刻嘅《億萬富翁之戰》，由當時身價27億美金嘅特朗普，對身價4億美金嘅麥馬漢（McMahon）。兩人相約喺WWE嘅摔跤狂熱擂台上各派一名代打展開世紀對決。麥馬漢挑選當時被稱為「薩摩亞破壞器」嘅Umaga，而特朗普看中 ECB 冠軍 Lashley，更打賭輸咗果一方要被剃光頭！在10幾分鐘纏鬥後，由特朗普嘅代表勝出，麥馬漢被綁喺凳度欲哭無淚，而特朗普則面目猙獰幫對方剃咗個大光頭！！
▼Umaga（左） Lashley（右）睇身形都知麥馬漢揀錯人喇！
網路圖片
撰文：小密風
