喺一個物質主義的社會入面，唔少人都會買名牌當身份象徵，show off 下自己既財力，仲會有助吸引拜金一族埋身添，但係今時今日「有錢人」咁泛濫，為免釣金龜釣著個空龜殼，拜金一族都要認清楚邊個係真！有！錢！
HSBC高層Erwan Rambourg喺自己本書度就自創左一個名牌金字塔，金字塔下層係代表大眾都好容易買到或者接觸到既名牌，除左衫褲鞋襪之類的品牌之外，仲有日常品牌例如係Starbucks之類，位置越高就代表越名貴，平常人較難接觸到或者買得起既品牌。
喺尖沙咀成日有人排隊買既Louis Vuitton（LV）同Gucci，其實都面對緊同一個問題，就係喺金字塔入面，佢地只係屬於中下層既位置，而呢啲品牌好少會出現喺真‧有錢人身上。
早喺2011年既時候，曾經有位億萬富翁做訪問既時候講過，「LV太普通喇，幾乎個個都有，喺北京每間餐廳入面個個都係用LV。我會用Chanel 或者Bottega Veneta（BV），會獨特啲囉。」
換言之，識買又真係有錢既，會用咩品牌就真係一目了然，所以唔好再望到一身名牌就狗衝喇，記得要停一停，諗一諗～
