只要你上過YOUTUBE，都一定見過谷阿莫「X分鐘看完X電影」或者聽過「大魔王」、「女主角」、「跌倒後遇到真愛」、「交配結婚生子」同埋「解釋來龍去脈後就會死」！日前谷阿莫出左條「貓屎真TM臭」嘅片，身為「貓奴」嘅佢都頂唔順自己養嘅貓貓屎太臭，仲要真人出鏡「打嘴炮」！
其實谷阿莫之前已經露過面，唔少網友對佢把嘴賤賤嘅聲好熟悉，不過就好少配埋佢個樣一齊聽。今次谷阿莫真人出鏡，以後再聽佢評論唔同電影電視劇藝人嘅時候，或者都會諗起佢清秀嘅樣（其實好有違和感）。
谷阿莫好認真咁同隻貓探討「貓屎點解可以咁臭？」完全係隔住個mon都feel到貓貓幾咁無奈！最後仲有例牌對白「得出一個結論」，就係靚女嘅汗唔臭之餘仲有花香味呢啲說話係呃人嘅大話。（小編認為靚女唔屙屎呢個大話過份啲……）
六分幾鐘嘅片入面，谷阿莫隻貓貓走來走去，一時係枱面，一時又匿係谷阿莫件外套入面，剩係睇谷阿莫同貓貓互動已經好正！
日前台灣「104人力銀行」就幫「知識糖果數位社群媒體股份有限公司」請「執行長私人助理」，22樣工作內容寫得勁搞鬼，特別係「可能要幫執行長的電玩練功」同「可能要幫辦執行長養在公司的招財貓鏟屎」最特別，而且已經證實左「執行長」嘅真身就係谷阿莫！
如果想日日聽住谷阿莫把聲開工（要執貓屎），就去104人力銀行睇下喇，科科！
圖片及資料來源：104人力銀行/谷阿莫頻道
撰文：陽光小毒毒
