求學時期，男同學一定幻想過有靚女Miss教佢地，女同學其實又何嘗唔昐望有個型到爆炸既阿Sir呢？但通常上天都好公平，你有學識通常都無咩外貌，但係倫敦大學竟然出現左一個超逆天既數學教授，仲被封為世界最性感數學教師！
佢叫Pietro Boselli，本身係意大利人，係倫敦大學機械工程學系博士畢業，2013年喺倫敦大學開始教授數學分析課程，同時係一個國際級Model。2014年攞左歐洲健美模特兒冠軍，仲得到名牌Armani賞識！
但係其實佢唔想比人知佢做model架，因為佢擔心會因為咁而被人睇輕佢既數學專業能力，所以佢從來無喺學校提過自己係一個model，但係科技太發達既關係，學生一上網搜尋佢個名就發現到喇。
就係咁樣比學生搜尋同分享，令佢既Instagram追蹤人數暴增到160萬。被發現之後，佢決定要大方做自己，仲乾脆放下教鞭，專心做model～
有時仲做下雜誌封面～
間唔中仲會拍片開心share教人做exercise架～佢啲片，小編表示非常有質素～（當然係指個exercise啦唔好心邪）
| {youtube}BMBJR9j6-3w{/youtube} |
不過佢仍然係一個熱愛工程學既人，因為佢希望未來可以喺倫敦開一間自己既工程顧問公司。
自問見到數字會見暈既小編表示唔介意日日準時去上數學堂...但係最可惜既係...佢已經有女朋友喇...((哭
圖片來源: Pietro Boselli @Instagram
撰文: Msrachel
