人氣節目《Running Man》紅遍全亞洲，七名固定成員包括蚱蜢劉在錫、長頸鹿李光洙、懞智宋智孝、老虎金鐘國、王鼻子池錫辰、平和Gary及Haroro HAHA，個個角色形象都非常鮮明，一直以超強默契同爆笑火花令觀眾留下深刻印象。
之前Gary因為想專注發展音樂事業而決定下車，令其他成員同粉絲相當不捨。
最後一集錄影時，與Gary組成「週一情侶」的智孝更加喊到停唔到。
今次輪到週一女友智孝自己要離開《Running Man》，專注戲劇方面既發展。
週一情侶既擁躉今次真係徹底心碎。
同時決定要下車既仲有《Running Man》力量型代表－老虎金鐘國。金鐘國雖然一直努力維持健康既身體，但由於傷患太多，所以決定要好好養傷，同時專注發展個人同組合Turbo重組既工作，所以都要離開呢個大家庭。
雖然好唔捨得，但成員，粉絲同節目組都祝願佢地未來會更好。
原定班底而家只剩低劉在錫、李光洙、HAHA、池石辰四個，節目組會搵人重組新班底，有傳係搵之前同劉在錫合作過主持《X-Man》既姜虎東。
無論搵邊個加入，粉絲最想要既畫面始終係七個原定班底齊齊整整，但係說好的7012已經無可能再見到喇。小編表示眼淚在心裡流...
（註：7012係之前有一集要打開密室的密碼，取韓文諧音意思係代表「七位成員永遠」，當時令成員同觀眾都好感動，亦都成為左以後《Running Man》七人齊齊整整既代碼）
圖片來源: 網上圖片
撰文: Msrachel
