唔少父母都鐘意為小朋友影相，為成長過程做紀錄之餘，又可以將來大個之後影張一樣嘅，咁就可以睇到歲月洗禮後仔女嘅成長同變化。外國就好有家長為自己仔女影低人生第一日返學嘅重要一刻，同埋最後一日返學嘅一刻，將兩張相放埋一齊做比較，就會發現成長嘅痕跡，都幾有趣架！
呢位爸爸當年抱住囡囡第一日返學，到最後一日返學仍然可以停留喺爸爸嘅懷抱入面！
十三年黎每一個開學日，由第一次返學開始，呢位家長都會為個仔影張相，見證十三年嘅轉變！
經過那些年之後，唔止阿仔高咗大個仔咗，連媽媽都靚咗！
呢位同學仔仲喺最後一日返學，特登扮返當年第一日返學嘅衣著打扮！雖然唔係十足十，但誠意搭夠！
差唔多嘅動作神情，唔同嘅係當年仲係一個第一日返學嘅小朋友，但而家已經係一個醫科畢業生。
你永遠也會愛惜的人除咗屋企人之外，仲有你由細玩到大嘅朋友仔！當年一齊返學，今日一齊讀完書！
同一個大門，同一個人。唔同嘅係你已經唔再係果個第一日返幼稚園嘅小朋友，而係一個最後一日返學嘅高大青年。
以前係呢架車嘅小乘客，今日可能已經係呢架車嘅司機，載返爸爸媽媽四圍遊。
以前喺呢度門前面chok住咁影相，今日仍然喺呢道門前面擺返一樣姿勢影相，唔同嘅係，後面多咗一件見證自己十幾年學習生涯嘅畢業袍。
以前開開心心去返學，今日返完最後一日學，都要開開心心咁去返工呀！
長大之後或者好多野都會唔同晒，但唔變嘅可以係你面上嘅笑容。
或者笑得更燦爛咁去面對畢業後嘅現實世界。
小編表示成長這回事是必須的，雖然很殘酷，但亦都可以很美好。
圖片來源: Boredpanda
撰文: Msrachel
延伸閱讀
