有位來自紐西蘭嘅男人叫Clemens Zlami，佢係一個滿腦子都係有趣idea嘅funny guy。話說兩年前，佢為咗慶祝自己當季嘅第一次滑雪，於是好衝動咁決定做個高難度動作「Flip」黎賀下佢。
大家都知道當一個粗心大意嘅人，遇上一條濕滑嘅路，仲要係雪路，意外就會發生架喇！就係咁，佢就帶住一邊碎咗嘅鎖骨，同四條斷咗嘅肋骨入咗醫院。
結果醫生幫佢做手術，用金屬將佢啲骨固定返。
一年後，啲骨已經癒合，啲金屬就自然要攞返出黎啦～
攞出黎之後，佢覺得啲金屬又無生銹，扔咗佢會好浪費。於是就請醫生留返啲金屬比佢，將佢地重新變成一啲有意義嘅野。
左思右想之後，佢決定整一隻戒指自己，於是佢就將啲金屬同佢自己畫嘅戒指設計圖比佢啲工程師朋友睇，然後佢地就幫佢用激光焊接整好咗呢隻專屬於佢嘅個人戒指。
呢隻戒指製作過程並唔複雜，亦唔係用咩高級材料，但對佢黎講真係意義重大！
佢望到呢隻戒指就提醒緊自己，當自己太興奮嘅時候就發生咁慘痛嘅經歷，絕對係買咗一個好大嘅教訓，所以戒指入面仲特登刻上「DON’T FUCK UP」架！
小編表示睇到張Ｘ光片都覺得好痛呀！
圖片來源: Boredpanda
撰文: Msrachel
【第36屆香港電影金像獎】入圍名單出爐 一齊睇下五大獎項名單！
