【那年那事】2月10日 八仙嶺大火21週年

學校遠足旅行，本來係件開開心心嘅事。不過21年前嘅今日卻是一件令香港人傷心不已嘅事。

1996年2月10日，香港中國婦女會馮堯敬紀念中學嘅老師帶領同學參與遠足活動，不幸遇上山火而造成5死13傷嘅慘劇。

兩位為咗學生嘅周志齊同王秀媚老師不幸燒死，當時嘅港英政府喺八仙嶺上興建「春風亭」，取其「春風化雨」嘅寓意以紀念兩位捨己救人嘅老師。

雖然事後唔少人批評山火係由學生吸煙所致，不過小編希望生還者們可以放低傷痛回憶，好好過活。