肥姐沈殿霞於15歲時出演電影《一樹桃花千朵紅》開始演藝生涯，後來參與過百部電影，加入無線電視後，主持長壽綜藝節目《歡樂今宵》，同羅文組成「情侶合唱團」四出登台，又同張沖、謝賢、陳自強、陳浩、秦祥林、鄧光榮合組「銀色鼠隊」，更於1970年代與張德蘭、汪明荃、王愛明組成「四朵金花」，肥姐當年更係全港第一個坐車穿過紅隧嘅乘客。
可惜直到2006年證實罹患肝癌。兩年後嘅2月19日早上8時38分於瑪麗醫院病逝，享年62歲。
時任香港行政長官曾蔭權讚揚肥姐嘅堅毅意志係香港精神，肥姐嘅笑聲陪伴無數香港人成長，帶比香港人許多歡樂。
相信大家永遠都會記得肥姐嘅招牌響亮笑聲、貓頭鷹式「銷魂勾」髮型，同埋佢嘅獨特黑框眼鏡，永遠都係香港人公認嘅「開心果」。
