小編由小女孩變成少女，就連細個風靡全球嘅鬼口水(Slime)都跟住一齊變身，一舊膠都變成少女必備單品！
最近佢地出咗唔少新款式，一齊睇下啦！
以前覺得佢地好似鼻涕咁流嚟流去，又可以任意捏成唔同形狀，超級有趣之餘仲會捏上癮！
但係而家佢地個樣已經唔再似口水，而係超級少女風！呢款係有閃粉喺入面BLING BLING！！
外表夢幻的鬼口水2.0除咗個樣夠夢幻之外，摸落去個觸感先係最不得了嘅地方！
摸落去好軟好滑，加上有啲冰涼感覺，超級軟熟，真係超級紓壓！
仲唔係近期療癒系小物NO.1？！
如果唔想好似上面果款咁有啲珠珠喺入面，佢都有好多純色款架！
呢個色系根本就係少女嘅至愛色系，粉粉嘅感覺真係睇到都覺得開心！
驟眼睇係咪好似雪糕新地呢？
佢仲有透明款，放喺膠盒入面真係好似一杯杯啫喱好蕩漾嘅感覺～
呢款小編第一眼都以為係士多啤梨味嘅Gelato！
呢款咁似綿花糖又係點做到嘅呢？
小編越睇就越手痕，好想買返舊嚟喪捏，而且價錢都唔貴，大約係港幣一百蚊都唔使～
只係問題係小編暫時仲未搵到邊度有得賣...
只能說小編身為一個少女，真係比呢堆鬼口水狠狠地燒到喇！
圖片來源: Niusnews
撰文: Msrachel
