今個星期有5套壓軸好戲，仲有成2套大片，大家又要搶飛喇～
1. 加勒比海盜：惡靈啟航
剩係「加勒比海盜」呢5個字都已經值回票價喇～IMDb有8.3分，真係算唔錯，好多觀眾都話係成個系列最好睇嘅一集，你地又有無興趣呢？
故事簡介：積克船長最懼怕嘅敵人索萊莎為咗復仇，率領一班幽靈船員，誓要殺盡所有海盜，而頭號目標正是積克！自此，積克就頭頭碰著黑，更遇上重重殺機！要死裡逃生，積克船長唯一希望係搵到傳說中嘅「海神戰戟」，並借助神器嘅強大能量擊敗索萊莎。所以佢就被逼同固執嘅皇家海軍亨利同時計學者冼嘉蓮結成聯盟，展開海盜生涯最凶險嘅終極一戰！
| {youtube}-t_V0rHDJIs{/youtube} |
2. 神奇女俠
呢套戲嘅上映時間同其他有啲唔同，30號先會上，仲要搶先全球播！DC迷又點可以錯過呢？
故事簡介：神奇女俠成為超級英雄之前，係英勇善戰嘅亞馬遜公主戴安娜。佢一直喺隱世嘅荒島生活，直到一個美國空軍機師因墜機，意外闖入佢地領域，同佢地講外面世界烽煙四起， 而令戴安娜決定離家平息所有戰爭。
| {youtube}h2MXZEUys10{/youtube} |
3. 沙灘拯救隊
25號就會開始上優先場，下星期正式公映！IMDb只係得5.6分，觀眾都話好弱智。但有「全球最性感男士」Dwayne Johnson同型男Zac Efron，就算明知中伏都要入場喇～
故事簡介：獻身於救人事業嘅「沙灘拯救隊」隊長米治同自以為是嘅新隊員麥仔前世撈亂骨頭，針鋒相對。 與此同時，佢哋發現有犯罪集團正威脅沙灘安全，兩位唔啱咀形嘅大隻佬又會有咩對策？
| {youtube}FelveZigfuY{/youtube} |
4. 流亡詩人聶魯達
呢套戲係《向政府說不》Pablo Larrain嘅最新作品，之前套戲獲獎無數，而今次呢套亦榮獲金球獎最佳外語片提名，可以話係信心保證！套戲喺rottentomatoes有超過9成好評，大家不妨一戰啊～
故事簡介：聶魯達係智利著名詩人，亦係1971年諾貝爾獎得主，電影講述佢受到政治壓迫而流亡，因此寫成傳世作品《漫歌》(Canto General)嘅傳奇故事。
| {youtube}e4x-t-xFFp8{/youtube} |
5. 巴黎影舞者
雖然已經係上年嘅戲，但好戲幾時睇都無所謂喇～呢套係一套好唯美嘅電影，畫面勁靚，不過始終比較冷門，相信場次唔會太多，所以有興趣就真係要快啲睇喇～
| {youtube}TnpIBRKpRPk{/youtube} |
今個星期真係好精彩，剩係兩套大片都已經要入兩次戲院，大家準備好銀包未？
圖片來源：網上
撰者：Kinnie
