《易經》簡介
易經思想系統
《易經》係以一套符號系統嚟描述事物狀態嘅「簡易、變易、不易」。「易」嘅意思係變化嘅意思，本書嘅中心思想及詮釋方法係以陰陽交替變化嚟描述世間事物，最初係用於占卡同預報天氣。《易經》一書共分六十四卦，每卦都由卦象、卦名、卦辭與爻辭四部分組成。
《易》原本有三種版本：《連山》、《歸藏》和《周易》，《連山》同《歸藏》已經失傳，現今所講嘅《易經》即源於《周易》發展而嚟。春秋末期，孔子利用《易》原本用來占卜之書，嚟講述自己主張嘅儒家思想，後來就成書為《周易》。
用「有色眼睛」睇《易經》
孔子成書嘅《周易》以解釋自己儒家思想，當然處處都係教人處世，君子之道，但當以性嘅角度去詮釋，則《易經》係風月寶鑑，描述性交過程。1923年學者錢玄同謂：「我以為原始的易卦，是生殖器崇拜時代底東西：乾、坤二卦即是兩性生殖器底記號。」稍後，郭沫若更指出：「八卦的根柢我們很鮮明地可以看出是古代生殖器崇拜的孑遺。畫一以像男根，分而為二以像女陰，所以由此而演出男女、父母、陰陽、剛柔、天地的觀念。」
《易經》原文「男女構精，萬物化生」、「雲行雨施，品物流形」、「天地感而萬物化生」、「天地不交而萬物不興」，天同地唔交配萬物就唔會繁盛，咁難道唔係歌頌性交？《周易。繫辭》直接說明「生生之謂易」。
第一卦「乾卦」：描寫勃起全過程
乾卦
乾，元亨利貞。
（意即好嘅開始，可以發展、繁榮、結果，言下之意係性交就係好事。）
初九，潛龍勿用。
（龍潛係水底，唔好有動作，仲未勃起）
九二，見龍在田，利見大人。
（見到條「龍」升到田野，見到大人係好嘅。開始有少少起色喎。）
九三，君子終日乾乾，夕惕若，厲无咎。
（君子日頭夜晚都要努力，咁樣做就無錯）
九四，或躍在淵，无咎。
（條「龍」係下面躍躍欲試啦。要出頭啦，出個「小頭」先。）
九五，飛龍在天，利見大人。
（龍飛到上天啦，見到大人係好。鋒芒畢露啊～）
上九，亢龍有悔。
（條「龍」飛到上天，高過頭係要後悔。即係「過咗龍」Over咗就唔好。係咪暗喻緊男士唔好自瀆咁多呢？）
2009年陳柏宇係簽唱會疑似「勃起」。要出「小頭」啦！
咸卦：描寫性交前嘅調情動作
咸卦
咸亨，利貞，取女吉。
（可發展、繁榮、結果。聚個女人，係吉象）
初六，咸其拇。
（先掂女人大腳趾）
六二，咸其腓，凶，居吉。
（之後再摸女人小腿。咁樣做開始有風險。）
九三，咸其股，執其隨，往吝。
（再掂女人大腿，但女人用手推開男人）
九四，貞吉，悔亡，憧憧往來，朋從爾思
（女人欲拒還迎，跟住就「憧憧來往」，男女開始交合，你來我往啦。朋友，就聽從本能嘅召喚啦）
九五，咸其脢，無悔。
（輕撫女人背）
上六，咸其輔頰舌。
（完事後，男人吻女人唇、鍚佢塊面，舐佢條脷。）
古代男女下談情說愛。幾有情調～
呢個「咸卦」其實就講明性愛要以愛為前提，對方拒絕時，唔可以霸王硬上弓。完事後，仲要溫柔體貼對方，以愛嘅表達方式收尾。其實咁樣體現左對女性嘅尊重。呢啲理論後來被中醫吸收，認為性交需要精、氣、神三者俱有。
性愛係人生一部份，以性事嘅角度去睇《易經》都未嘗不可。《易經》透過描述「性愛」而帶出當中哲理，例如上述所講「乾卦」和「咸卦」，就帶出咗「中庸之道」同「欲速則不達」嘅道理啦。
圖片及資料來源：互聯網
文：性戰士
