書展完結後，一年一度嘅香港動漫電玩節（動漫節）聽日（7月28日）開鑼！今年動漫節展館總面積將會係歷年最大，擴展至逾27萬平方呎，參展攤位逾600個，70個參展商參與。
今年已經係19屆嘅電玩節！第一連五日嘅動漫節，參展商將會推出不同優惠吸客，例如買PlayStation機會送SONY 43吋大電視、Xbox 出機最高可獲逾1.1萬元贈品、LEGO購物滿$1,200可獲贈限定版LEGO中環前立法會大樓或London Bus 乙盒等等。
大會今年更首次舉辦兒童玩具節，家長可憑門票免費帶2名12歲或以下小朋友入場。兒童玩具節將會以室內嘉年華形式舉行，展館將會分為四個區域，「吹氣彈彈」、「3D自拍館」、「卡通人物見面會」、「人氣遊戲咭機」。當中「吹氣彈彈」區擺放咗三個6.5至8米嘅巨型吹氣彈床（遊戲需另外付費），相當吸引，家長們可以襯暑假同小朋友好好放鬆下喎！
為求買到心頭好，每年都會有動漫電玩迷提早到會場外通宵排隊！今年當然都唔例外啦！
