日本短片《於是我們把金魚放進了泳池》（暫譯）（2017）係長約28分鐘短片，改編自真人真事，講述四個女高中生因一時興起，將百多條金魚放入學校游泳池裏。
2012年琦玉縣狹山市嘅四個女高中生，係市集買咗幾百條金魚後，係夜晚將百幾條金魚放入學校泳池，並半裸與金魚游水。呢件事當時係日本轟動一時，到宜家都無人理解果班女仔嘅動機。
而導演長久允得悉呢件事後，十分有興趣，最後執導呢套短片。
▲其中一位女生喺度吐糟緊佢自己嘅高中生活。
▲四位女生去市集撈金魚，聽到檔主話佢哋四位肯定係單身之時，隨即豎起中指。
唔少描寫關於青春嘅電影，例如《那些年》、《我的少女時代》、《等一個人咖啡》都會提到高中生活，例如拍拖，同啲朋友好百厭咁周圍玩，將「青春」呢回事描寫得新奇刺激有趣、驚天動地，但偏偏呢套短片就表現出「青春」其實都有其平凡乏味，又有少少浮躁嘅一面。短片只得短短28分鐘，但係節奏同鏡頭緊湊，拍高中生嘅日常，絕不覺得短片乏味，仲幾好睇呢。
| {youtube}pn21p2z55so{/youtube} |
圖片及資料來源：互聯網
文：廢青唔青
