呢4套經典電影所帶出嘅信息令人反思，好睇之餘亦有所收獲～
#1 博撃俱樂部 Fight Club (1999)
改編自同名小說。電影講述打工仔無名氏(Edward Norton飾)厭倦工作、生活,並患上失眠，去咗各個唔同類型嘅治療小組亦無助病情。直至遇到賣番梘嘅商人Taylor(Brad Pitt 飾)，兩人慢慢成為好友，並成立Fight Club，畀一眾打工仔係放工後赤裸全身，係無規矩嘅博擊中互相對打，釋放平日工作壓力。Edward Norton亦透過Fight Club醫好失眠。但佢與治療小組遇上嘅Mara有一段糾纏不清嘅關係。而Taylor背後亦有更大嘅計劃....
呢套係反資本主義嘅電影，對於活係資本主義嘅打工一族，每日做差唔多嘅routine工作，應該會有非常深嘅感受。
| {youtube}SUXWAEX2jlg{/youtube} |
#2 飛越瘋人院 One Flew Over the Cuckoo's Nest (1974)
改編自同名小說。電影講述主角McMurphy (Jack Nicholson飾) 為咗逃避監獄裏嘅強制勞動,扮作精神異常,被送入精神病院。精神病院裏規則多多，愛好自由嘅McMurphy經常挑戰院內規則，更帶同一班院一齊出海。佢最終無法忍受精神病院嘅生活，聯合病友同埋印第安人開始逃離精神病院嘅計劃。
究竟佢最終能否戰勝權力，逃出瘋人院呢？電影結局可謂悲喜交集，但係某程度上算係鼓舞人心。
精神病院其實就係社會嘅縮影，充滿權力、監視、規訓，面對巨大嘅權力壓逼，院友知道逃離精神病院機會非常細，但佢地一啲反抗都無，唯有主角McMurphy有勇氣嘗試反抗，即使佢最終嘅逃離計劃失敗，但正如主角係戲內裏講到，至少佢有嘗試過，＂But I tried, didn't I? Goddamnit, at least I did that.＂
| {youtube}OXrcDonY-B8{/youtube} |
#3 發條橙 A Clockwork Orange (1971)
改編自同名小說。講述Alex係一位無惡不作嘅少年，鐘恴聽貝多芬交響曲強姦女人，又試過搶劫、殺人，佢被捕入獄接受人格治療，出獄後對犯罪提不起勁。
電影提出了對個人自由意志、道德選擇嘅問題：假若Alex接受咗人格治療後,由鍾意行惡變得向「善」,但佢己無咗個人意志,去選擇行善,只係好似一個機械咁被命令要去行善，咁呢個人格治療係咪道德？Alex無咗個人意志，但如被上咗發條鏈嘅橙機械般，被命令行善，即使結果對社會係好，主角唔再作惡多端，但可唔可以接受無個人意志呢？
| {youtube}SPRzm8ibDQ8{/youtube} |
#4 驕陽似我 The Good Will Hunting (1997)
此劇拎咗當年奧斯卡最佳原創編劇，故事講述擁有數學天賦的主角Will Hunting (Matt Damon飾),在大學當清潔工,一日解開了教授在課室外寫下的難題,教授決心指導佢,希望佢發揮自己才能。但Will因幼年時受到虐待,對人唔信任,封閉自己心靈,於是教授搵嚟諮詢師好友Sean (Robin Williams) 輔導Will，嘗試打開封閉自我嘅Will。
戲內Sean 亦付出好大耐心、時間打開Will封閉受傷嘅心靈。電影拍出佢地兩個之間既是醫生病人，又是朋友嘅動人感情、關係。３
可惜戲外飾演諮詢師嘅喜劇演員Robin Williams，現實中受唔住多種病患折磨，選擇自殺。
| {youtube}PaZVjZEFkRs{/youtube} |
圖片及資料來源：互聯網
文：邊一個發明了工
