日本一間好出名嘅甜品店，除咗有好多款唔同嘅蛋糕外，都有兼賣意粉之類嘅鹹點。但係當你行過秋葉原店時候，見到佢櫃台放左拉麵、炒飯、餃子、重有杯麵等等嘅嘢，千其唔好比佢呃咗，果啲絕對唔係佢地嘅真身！因為佢地唔係鹹點嚟，而係用唔同材料整成嘅蛋糕！
就好似拉麵蛋糕咁，其實係由粟子、蘇皮、蘋果、曲奇餅等製成，而餃子其實係蘋果批黎，真係估都估唔到～不過唔少人都話，雖然外表唔似蛋糕，但係食落又幾好味嘅～
唔識日文嘅人，行過真係好易比佢呃左，所以要小心啲啦～至於好奇嘅朋友，買番個同朋友慶祝生日都唔錯，一定特別又難忘！
不過記得此店只提供外賣服務。至於無咩膽試嘅朋友，其他分店其實重有好多款正常嘅蛋糕，一樣咁靚咁好食，下次去日本唔好錯過！
SWEETS PARADISE 秋葉原店
地址：東京都千代田区神田花岡町1-1ヨドバシAkiba1F自由通路「ワイワイマルシェ」内
電話：03-6206-0331
營業時間：9:30-22:00
資料來源：SWEETS PARADISE
圖片來源：SWEETS PARADISE
撰文：Yanica
