人嘅視覺好神奇，明明大家都望緊同一樣嘢，但可能大家會睇到唔同嘅嘢，以下呢對鞋唔知大家會睇到咩顏色呢～
女網友Nicole Coulthard喺Facebook貼咗呢張相，因為佢覺得呢對鞋係粉白色，但有朋友就堅持見到灰綠色。
結果網民都分別睇到粉白同灰綠色，為咗驗證對鞋係咩色，有網民就較埋白平衡去證明對鞋真係粉白色。
有網民仲特登上埋官網搵呢對鞋嘅圖，發現真係粉白色！
其實睇到灰綠色係因為「色彩恆常性」，大腦會自動無視綠色光源，忽略咗張相係因為綠光先造成呢種色。至於睇到粉白色就係考慮晒成張照片嘅環境，推算出有綠光涵蓋，扣除之後督睇到粉白色喇～
