2017又差唔多完結，又係時候迎接聖誕啦～每逢聖誕各化妝品牌都一定會推出限量Christmas set，無論係包裝定化妝品都咁靚，各位女生們又點可以錯過！今次就同大家一齊嚟個大盤點。
YSL 聖誕限量璀璨煙火系列
YSL 今年繼續行夢幻路線，推出以煙花為主題嘅多用途彩妝盒，彩妝盒入面有4色眼影、胭脂同埋唇彩，顏色有濃有淡，都好大路，想化咩妝都無問題！另外當然仲有佢地一向最出名嘅明彩筆。
M.A.C 2017聖誕限量彩妝金光閃耀
黑色一向都係Ｍ.A.C嘅主調，聖誕set就反其道而行，推出金光閃閃系列，淨係睇到包裝已經忍唔住想買。聖誕set內容包括6色唇膏、5色眼影、假睫毛、掃set、6色眼影盤同埋最重要嘅12色迷利唇膏套裝，買完真係十幾年唔使再買！
Givenchy Striking Night Light
Givenchy都一樣行blingbling路線，入面有眼影、碎粉、唇膏和睫毛膏，平時最出名嘅四格碎粉今次都有份，平時用開嘅FANS一定唔可以錯過～
Chanel
今次Chanel以大紅色為主，係史上第一次換包裝，新年拎出嚟用都啱哂！
GIORGIO ARMANI 節日限定彩妝
GIORGIO ARMANI 同樣係行紅色路線，就咁睇外表會以為佢只係一盒粉餅，但其實喺依個細細嘅圓盒入面，已經包含咗眼影、粉餅、粉底霜、粉撲，中意方便嘅朋友可以試下～
NARS 2017 Man Ray for NARS Holiday聖誕彩妝系列
NARS仍然不改佢地嘅沉實路線，今次同藝術家 Man Ray 合作，眼影盤同唇妝組盒都以黑白為主色，比人一種型格嘅感覺，唔中意太花巧嘅女仔可以考慮下。
MAKE UP FOR EVER 奪目炫彩節日系列
今次推出12色眼影盤，最抵係價錢，12色眼都只係$400樓下，以MAKE UP FOR EVER嚟講真係唔算貴。眼唇套裝配備金屬色唇彩，去party就啱哂～
Clé de Peau Beauté 2017年限量版盈采節日彩粧系列
一向行貴價路線嘅Clé de Peau，佢地嘅Christmas set一向都好靚，今次同藝術家 Kathe Fraga 合作，將中國風融合當代藝術作為包裝，復古風味濃，算係品牌一大突破。
Shu uemura x Super Mario聯乘系列
今次Shu uemura將大家嘅童年回憶植入產品入面，同mario推出一系列嘅聯乘產品，產品超多元化，除咗彩妝同護膚品，仲有洗頭水同護髮素等。另外仲有一個印左mario嘅化妝箱，真係超可愛！
LADURÉE 2017 Holiday Collection
今年聖誕 LADUREE行華麗宮廷風，以出席面具宴會嘅淑女為主題，套裝入面有胭脂，彩妝盤，同埋身體護理套裝。今次比人感覺優雅而且復古，你可以一邊化妝一邊想象自己係18世紀嘅公爵夫人。
有成10個牌子咁多，有無邊款正中你心意？
資料及圖片來源：互聯網
撰文：Yanica
