到目前為止，大家都覺得熊貓係中國特有物種，同樣地中國人一直都視熊貓呢樣瀕危物種係中國國寶，好多時同其他國家外交都會送熊貓比人，因為其他國家都見唔到熊貓。
但你又有冇諗過熊貓可能唔係源自中國？最近法國《地球生物》期刊就有文章推翻熊貓來自中國嘅想法。文章中嘅古人類學家喺匈牙利境內發現好似中國大熊貓嘅食草古代熊遺體，當中包括1000萬年前的牙齒化石。根據形狀，佢地估計化石係屬於古熊貓嘅，因此佢地判斷熊貓其實起源自歐洲。
文章中有補充喺500萬年前歐洲氣候開始變得乾冷，令到熊貓唔再適合住喺果度，慢慢中國先成為熊貓唯一生存之地。
不過究竟果啲係未真係熊貓化石其實都未知，而文章都係做一個推論。無論點，熊貓係中國嘅地位都係不變嘅，更重要嘅係放眼將來，諗下點樣保育熊貓呢樣瀕危物種。
撰文：JJ Wong
