去年今日，只要走喺街頭都會見到一個二個低頭玩Pokémon Go 。當時大家為左捉到唔同嘅小精靈都會加入各式各種嘅chat group拎到最新情報。只要個group一有人話邊度有啟暴龍，即使喺山頭，大家都會一齊跑去，好熱血。
Pokémon Go熱潮當時令到大家玩game 玩到走出街頭，好多時都會識到好多網友，大家互助互愛，提供情報，甚至一齊跑，一齊流下汗水。
雖然Pokémon Go熱潮慢慢減退，但呢幾個月推出嘅神獸都令好多人玩返。台灣一個「林口寶可夢竹林群組」最近就發生左一件感人嘅事。
有個網友叫「老蕭」，早幾日突然癌症復發送院，手腳麻木行走都有困難。當時佢喺群組聯絡Admin 希望有人可以代佢喺醫院外捉就推出嘅炎帝。
圖片來源:林口寶可夢竹林群組
Admin答應左佢後係炎帝推出時打比「老蕭」但冇人聽，最後「老蕭」個仔回覆佢：「我爸已經離開了。」
Admin拎左「老蕭」個account 後出左去幫「老蕭」完成心願，成功捉到炎帝。仲將自己捉到嘅祌獸都改名做老蕭的護法、坐騎及空軍部隊。
圖片來源:林口寶可夢竹林群組
其他網友知道呢件事後都好感動同傷心。希望「老蕭」在天之靈知道大家都幫佢捉到炎帝。
撰文：JJ Wong
