【戀愛專家】戀愛拖延術 捉緊男人心

女仔第6感好準,男仔一個眼神動作、一個whatsapp都可以feel到對方對自己有冇好感。當彼此有好感既時候,戀愛拖延術相當重要,既可以捉緊男人心,亦可以避免意亂情迷「睇錯人」。

#戀愛拖延術1:「敵不動、我不動」
男仔發現妳係佢鐘意既女仔,一定會主動搵啲野撩妳,唔夠主動姐係唔夠鐘意。其實男仔好鐘意追求異性既快感,佢地潛意識唔想女仔好輕易被打動,甚至投懷送抱,呢種女仔會令佢地冇乜安全感。「敵不動、我不動」,無論女仔幾鐘意男仔都好,冷靜啲係好事嚟~

#戀愛拖延術2:摸唔透
男仔追求妳果陣,送禮物俾妳或者幫妳手,記住表達謝意,但千祈唔好太隆重;同佢whatsapp唔洗經常打一堆字,用多啲回饋性的文字例如「哈哈」、「咁犀利」輕輕帶過;適當既時候可以問下佢有咩愛好,瞭解對方。有時要俾啲讚賞對方當「甜頭」,呢種欲拒還迎既神秘感,能捉住男人心。

#戀愛拖延術3:識得拒絕
所謂的「拒絕」係有原則既~例如被表白之前,如果佢有過份既肢體接觸,記住SAY NO,代表自己唔係男仔搞曖昧既對象;男仔邀請妳做一啲妳冇興趣既野:去酒吧、打機,絕對唔洗為咗討好對方屈就自己,男仔唔鐘意冇性格既女仔。

遇到啱既人當然要好好珍惜喇,戀愛拖延術只係一種捉緊男人心既「藝術」,明就明喇,唔明真洗咪亂試,叔叔怕搞到人失戀(戴頭盔)。

DMC Firewall is developed by Dean Marshall Consultancy Ltd