【愚人節】心碎系列:「我鐘意你 , 其實我講笑」

Gloria Leung 01 Apr, 2019


記得讀書時候,有個男仔扮哂Jay Chou日日喺whatsapp send佢唱嘅情歌俾小編朋友,初時小編個朋友聽完真係覺得幾sweet嘅,但日子耐咗,覺得唔多對路喎!點解日日收完歌,其他野就乜表示都無?喂呀!如果你真係想表白,可唔可以明顯啲?尤其係果啲覺得自己好funny,喺愚人節先鼓起草左364日嘅勇氣表白果啲人,簡直可恥!


想對方知你心意,跟小編學下野啦,唔該!


1. 唔好喺愚人節表白
你都表得白啦!咁就唔好喺引人誤會嘅日子講你忍咗成年嘅對白。不過,不包括其他你追佢嘅行為,一齊出去玩果啲可以如常,但表白,如果你真心覺得4月份喺好月,而且可以令你同佢有情人終成眷屬,咁咪等多一日,4月2號先表白都未遲架!



2. 約出街、約出街、約出街、約出街、約出街、約出街
我再講多次: 「約出街!!!」你同佢一定要有quality time,你其他追男仔追女仔嘅野乜都唔做,我唔怪你。但如果你地相處只限於群體生活,我都真係唔知點幫你啦!約出街又可以俾你更認識到佢,佢亦都可以同你熟啲,俾到佢知道你真正嘅一面係點。



3. 有意無意嘅身體接觸
拿!呢個靠你修行啦!點樣做到有身體接觸而唔會令到對方感覺唔舒服,呢個真係好考技巧!其中有幾個動作幾好嘅。包括對住佢講野時或請求佢幫你一個忙時輕輕掂下佢手臂、同佢並列一齊行時「唔小心」掂到佢隻手等等。



4. 多啲send吓message俾對方
你要俾人知道你係在意佢嘅,send下啲無聊message係需要嘅。不過又唔洗日日表示你對佢嘅關心,咁樣做太大壓力啦!



5. 當佢同其他異性有講有笑時,可以有意識地展示你既醋意
呢個係要嘅,而且如果佢都有少少feel到你對佢嘅意思,呢個動作令佢可以多多少少肯定你對佢嘅感覺。例如佢同完其他異性有講有笑之後,你show到有少少唔開心,都係一個唔錯嘅選擇。



6. 唔好俾佢知道你同其他異性都有close既聯繫
除非你想撈魚咁撈啲囝囝囡囡,如果你真係想同佢有發展機會,你真係要避忌下。如果唔係,到時本來都有啲意思嘅佢,都俾你同其他人嘅無謂聯繫影響哂自己心情,連FF同你一齊嘅感覺都無埋。



真心嘅,愚人節呢啲野,玩下人無乜所謂,但表白就真係免啦!

聯 絡 我 們