而家年代已經唔同晒，唔再係男仔追女仔，女方都可以做主動果個，將心儀男仔追到手！女仔真係好鐘意個男仔嘅話，真係咩都做得出！一齊睇吓以下呢位女勇士點媾仔啦！
呢位心口掛個勇字嘅女仔叫Lizzy Fenton，唔知係咪佢讀書好勁，所以習慣咗present任何嘢都要整份PowerPoint 出嚟，就連Sell自己都唔例外！所以佢為咗媾仔，就整咗以下呢個PPT...
做人女友首要條件係咩？當然係可以融入家中啦，所以佢一開始就講自己絕對可以氹掂對方嘅屋企人！
然後就係自己嘅外表喇！仲講明如果對方唔鐘意單調，完全無問題！因為佢只要轉一轉髮型，已經係另一個人！仲好強調擁有佢一個就等於擁有三個完全唔同嘅女朋友～
男人除咗睇樣仲睇咩？咪就係身材囉～你睇下佢幾好心機，直頭有晒Formula又整埋Graph話比佢知佢個胸係一路穩定地keep住大架！仲有圖有真相～
如果佢養唔起我？唔緊要！我有穩健嘅財務狀況，搞得掂自己又唔使養家，仲分分鐘可以養埋你！
你仲係覺得未夠說服力？佢直頭quote 埋唔同嘅人對佢嘅意見，包括你前女友！就連前女友都話佢正啊！
最後醒你一幅扮柯德莉夏萍嘅相，正唔正先？
就係咁，佢將呢個PPT比咗佢心儀嘅男仔，對方的確有回覆架，不過...對方讚完呢份嘢好之後，竟然叫Lizzy唔好再搵佢...
小編覺得雖然主動出擊唔一定會成功，但係如果有心儀對象但又咩都唔做就一定唔會成功！各位姊妹加油啊！
圖片來源：Boredpanda
撰文：Msrachel
