【拍拖】伴侶出軌六大徵兆 是要分手嗎?

當發現另一半出軌,知道原來對方一直欺騙自己時真係比死更難受,其實拍拖期間好多小細節會透露出另一半有冇出軌嘅蛛絲馬跡,只要平日多加留意,及早提防或者仲有補救嘅餘地。

1. 另一半成日想嘈交
如果你嘅另一半比平時更加想嘈交,咁可能係因為佢想減少自己出軌嘅愧疚感,怪罪你嘅小毛病或者缺點可以令到佢哋對自己及段感情冇咁罪疚,將自己出軌嘅責任推俾你。

2. 變得疏遠
你哋可能一直都好親蜜、無話不談,但而家你感受到另一半對你愈嚟愈冷淡,約會時成日禁電話、whatsapp成日online但又唔覆你。又或者,另一半變得好見外,同你冇咩眼神接觸、又突然對你好有禮貌好友善,可能就係因為佢咃內疚。

3. 比過往更會打扮
拍拖初期大家都會花時間打扮自己,不過拍耐咗久而久之大家都變晒T-shirt、牛仔褲。不過佢哋最近改變晒衣著風格,又成日都扮到靚一靚過先見面,咁可能係你嘅另一半正在為另一個人精心打扮自己。

4. 性生活變得唔協調
對你不再有熱情,可能係因為你哋之間多咗另一個人嘅存在。

5. 生活作式突變
拍拖耐咗其實都會了解另一半嘅生活作式時間,但唔知點解最近佢作式唔同晒,成日唔得閒又搵佢唔到。到約會時另一半愈嚟愈常遲到,又成日趕住走,可能係因為佢要花時間陪第三者......

6. 自己嘅直覺感受
雖然好似係廢話,不過有時人嘅第六感真係好準,而且其實好多時你自己係感受到另一半個心有冇你。有時,相信自己嘅直覺。

DMC Firewall is a Joomla Security extension!