【幸福肥】唔係藉口!研究指出 愛愈深愈易肥

「幸福肥」絕對唔係藉口,早前美國有研究發現,原來拍拖真係會令人肥!拍拖後有另一半可以陪自己周圍食周圍去,個人除咗容光煥發之外,更加會不知不覺間一齊增肥,姐係大家所講嘅幸福肥!「幸福肥」絕對唔係藉口,早前美國有研究發現,原來拍拖真係會令人肥,每對情侶平均每年肥4磅!

據美國國家生物技術資訊中心(NCBI)研究指出,一對相愛、滿意另一半嘅情侶會更容易一齊變肥。相反,如果體重冇太大變化、甚至變輕嘅夫妻,好多時最後下場唔係分居就係離婚。

NCBI 搵咗169 對夫妻做一個長達四年研究,期間每年會量兩次體重及查詢兩人彼此嘅感情狀況。研究結果得出,夫妻、情侶喺相愛嘅狀況下係會更加易增肥,浪漫關係愈美滿,增磅幅度更明顯。因為雙方對感情嘅安全感高時,對自己嘅要求唔會好似單身時咁高,對自己體重變重有較大容忍度。相反如果一對唔恩愛嘅夫妻,有隨時會分開嘅擔憂,就會對自己體重嘅要求高啲,希望自己可以維持好身材!

另外台灣癌症基金會調查發現有73%網友表示拍拖後體重有變重,主要原因係因為拍拖後動量比單身時低,而且外出食物嘅次數增加,出街食嘢好多時嘅食物都係高油、高熱量,體重自然容易直線上升啦!

圖片來源:Internet、Instagram @ kleenexon13thst
撰文:Amber

DMC Firewall is a Joomla Security extension!