【向壞男人說不】6大壞男人特質

Kinnie Cheuk 04 Jul, 2017


所有女人都想搵個男人照顧自己一生一世,但如果佢有以下呢6個特質,不如早啲搵過第二個喇~


1. 永遠將你放喺第二位
感情係講雙向嘅,如果永遠都係得你對佢好,但佢就成日都對朋友屋企人好過對你,咁你就要好好考慮呢段關係可唔可以繼續落去喇~長痛不如短痛嘛~



2. 妒忌心重
妒忌心唔係女人專有,男人妒忌起上嚟仲恐怖過女人架!如果你另一半成日都check你行程,又唔俾你有異性朋友,你都好辛苦姐~曾經有網民講過,男朋友因為懷疑有第三者,而不停打電話騷擾佢嘅異性朋友,嚇到佢以後都唔敢識男仔!所以話呢,妒忌心重嘅男仔真係危險人物嚟架~



3. 無口齒
成日講過唔算數嘅男人好極有限!因為佢係一個唔想負責任同唔識尊重你嘅人,連小小嘅諾言都守唔住,又點會真係對呢段關係認真同忠誠?今次可能因為好少事反口,下次就會對你地段關係不忠架喇~



4. 逼你聽佢講
一段感情要互相遷就先可以維繫落去,但如果你另一半成日都逼你聽佢講,唔聽你意見,咁你就要好好考慮下點同佢繼續相處喇~



5. 太痴身
私人空間都好重要架~有啲男人好痴身,要每分每秒都陪住你。熱戀期嗰陣就話sweet姐,長久落去都咁痴身咪咩私生活都無晒!如果另一半好痴身,小編建議你地好好傾下,定好每星期見面嘅時間,咁就可以拍得開心又放心喇~



6. 暴力狂
呢個唔洗解釋都知喇!初初一齊嗰陣可能未覺,但只要睇下佢對啲小動物、小朋友反應都可以估到少少。家暴係絕對唔容許,遇到嘅時候記住要挺身舉報啊!



雖然香港女多男少,但都唔好因為急住上岸而亂上船啊~一陣上錯賊船帶你去大西洋就喊都無謂喇~


 


圖片來源:網上


撰者:Kinnie

聯 絡 我 們