【女生注意】五個讓男生心動的小動作

好多女仔面對自己嘅心儀對象時都會有啲不知所措,有時好努力想喺對方心目中留個好印象時反而弄巧反拙。其實唔洗太刻意嘅,有時做返自己,妳舉手投足間嘅小動作已經不知不覺間讓對方心動!

1. 撥頭髮
對女仔嚟講,撥頭髮只係一個好隨意自然嘅動作,不過呢個無意識嘅動作卻不經意散發出讓男生怦然心動嘅魅力。

2. 用飲管飲飲品
唔少男生表示當女仔一邊用飲管飲飲品,一邊同自己對望時好可愛,而且會令對方視線不自覺望向嘴唇,而且整個動作同接吻好相似,會令男性好心動。

3. 露出真誠的笑容
大家成日都話笑容係最好嘅武器,當大家相處時,笑面迎人嘅女仔會讓對方有心動嘅感覺。而且平時笑多啲,個人都會開心開朗啲,對方心裡會覺得「咁鍾意笑一定都好好相處呢!」

4. 綁馬尾
好多男仔都係馬尾控,而且當見到女仔綁馬尾時露出平時頭髮遮住嘅後頸,突如其來嘅小性感好容易令對方臉紅心跳啊!

5. 對方說話時,你專心聆聽嘅神情
當兩個人對話時,你女仔唔急於表達自己意見,反而注視住對方眼睛,露出一副專心聆聽嘅表情,會讓對方感到你重視佢嘅說話,感到受專重。再加埋仰望嘅神情,更會令佢想保護你!

DMC Firewall is developed by Dean Marshall Consultancy Ltd