老實講，由E-kids話要開騷喺網上問有無人會去睇嘅時候，小編相信唔少人都會心諗一句係咪真係開得成呀？點知你又真係唔好睇小佢地三個嘅力量，演唱會飛只係一日已經賣晒，之後好多人想買都買唔到喇！小編好好彩都搶到兩張，可以入場聽返自己青春時代嘅歌，有邊幾首？一齊睇下啦！
#1 開始戀愛
第一首點會唔係呢首吖！當年唱到街知巷聞，唔使小編多講。直到今日仍然有人追女仔會唱「何事我會妒忌我會擔心魔鬼搶走你」！呢首又係前奏一響就咩回憶、感覺都返晒黎果類歌呀！
| {youtube}icAK2erGU3I{/youtube} |
#2 第一個唱
「名字太多 花樣千百樣你那會記得我」，呢首其實完全係當年三個後生仔追夢嘅歌，當年有唔少男子組合彈起，例如Shine、EO2、Boyz等等。
雖然市面上有好多組合，但無論佢地紅唔紅，或者觀眾會唔會記得佢地個名，佢地都仍然會落力喺個台度唱歌比大家聽，真係聽落都feel 到佢地有幾鐘意唱歌呀！
| {youtube}0p8TZD5UJ_c{/youtube} |
#3 最佳表情
呢首又係好好loop嘅，當年唱呢首歌佢地都跳得好起勁架！呢首歌係Tommy作曲，填詞係陳光榮，份詞係好鼓勵人，「不要想 你不夠條件趕上」，要人放低自己嘅自卑，要熱愛自己生命，成首歌個感覺都係好輕鬆架！
| {youtube}R6r6mHbELTQ{/youtube} |
#4倉鼠俱樂部
當年仲有兒歌金曲頒獎典禮嘅時候，呢首歌除咗攞到十大兒歌金曲之餘，仲攞埋最受爹地媽咪歡迎兒歌大獎架！
「dadeedeedeeedooodaaalalalala」好似係一堆密碼，但如果有聽開呢首嘅，你一定知呢堆係咩東東！
| {youtube}S_I86_kdCY0{/youtube} |
#5青春火花
呢首係一首抒情慢歌，係你無睇錯，真係一首抒情慢歌，仲係一首唱青春嘅歌！更加有人話呢首可能係佢地咁多首歌入面最好聽嘅一首！
邊個作詞就唔知喇，但又係Tommy作曲嘅～所以有人話佢地無才華？其實都唔係架！
| {youtube}Ur9RBC-3hTY{/youtube} |
#6 玩玩具
「難道我做你愛的玩具 夜來無事想過去」，呢首慢歌係講愛情，講失戀灰灰地架。但係唔係太多人認識呢首歌，小編誠意推介，當年失戀果陣聽，真係會心痛！
| {youtube}cFlzMHMJ5U4{/youtube} |
#7 初哥
呢首都係佢地一直熟手嘅輕快歌曲，老實講小編唔太喜歡讀白果段。不過，呢首歌內容係唱緊一個愛情入面嘅初哥，講佢點樣追女仔，就算失敗咪重新黎過囉～
當年都真係唱出唔少中學男仔第一次追女仔嘅心聲架！
| {youtube}MrFNb5d8QPg{/youtube} |
以上嘅歌，或者你未必首首都聽過，但係都值得大家聽下，或者你會對佢地改觀，因為佢地真係唔止只係三個MK仔，佢地嘅歌loop得下架，點都好過而家嘅MK POP啦～
圖片來源: 網上
撰文: Msrachel
