【Google So Sweet!】情人節前夕 Google 設計sweet 爆小遊戲

Rachel Kwok 13 Feb, 2017


情人節就快到喇,用開Google嘅小編今日一開Chrome就見到情人節Google嘅特別呈獻喇!望到PLAY嘅LOGO一開始仲以為係短片,但係原來內有乾坤啊!



 原來呢個係一個講兩隻穿山甲之間嘅愛情故事,男嘅知道情人節就到,於是想同女朋友慶祝,不過首先要靠你幫佢完成任務!


遊戲分成四關,你要幫男主角收集唔同物品,全部都係為咗佢地嘅約會做足準備!



過場嘅時候會有一啲關於主角穿山甲嘅小知識~但重點係,大家有無留意到,佢地連個Google logo都突顯到小心思架~



玩法就好似大家熟悉嘅Mario咁,控制佢前後左右直到過關為止~而且每關都有限時架~第一關至第四關係唔同難度架~第一最易,但去到第四關就最多要求最難過~
而且每一關嘅背景都唔同,睇得出真係落足心機啊~



過關之後會有你嘅成績,佢為女朋友做嘅野,成果係咩級數就取決於你為佢收集到幾多野喇~,第一關要收集食材親手整蛋糕!



第二關就係收集音符準備表演比女朋友~



第三關係為女朋友準備絲帶~



黎到最後一關係要收集靚花送比女朋友~



連第四關都過到之後,男主角終於要去見親愛嘅女朋友喇~正當以為有萬全準備之際~點知有意外令佢嘅心血變成白費:(



不過咁,就算無禮物又無表演,女朋友對佢嘅愛依然咁濃厚,又點會介意呢?



最後當然係佢地兩個糖痴豆咁過情人節啦~小編都祝大家情人節快樂呀!<3


圖片來源: Google


撰文: Msrachel

聯 絡 我 們