近年唔少人都鍾意趁懷孕時留倩影，拍攝一系列「孕婦寫真」作甜蜜記錄。 明星們都愛喺網上大晒性感孕照，圖片中見到一眾媽媽面露幸福笑容，散發母性嘅光輝！
Beyoncé
談及性感孕照當然要提到Beyoncé 啦！上個月Beyoncé 突然於Instagram post 出性感孕照，公布自己懷雙胞胎嘅好消息，吸咗過千萬 Like。輯相除咗仿傚多副名畫，更特別嘅係喺水中拍攝唯美孕照！
吳若希
未婚媽媽吳若希 (Jinny) 佗B女逾7個月，正停工安胎嘅Jinny 最近就同澳門男友Alex Ho 影咗輯大肚寫真，Alex post 出孕並甜蜜留言：「無論你變得幾肥美，我都會一樣咁錫你～～#張相無咩點執#我真係咁大隻#第一次俾你影半裸相#第一次亦都係最後一次」哇，好閃啊！
周汶錡
恭喜周汶錡噚日順利生咗第二胎！周汶錡上個月就喺社交網站分享咗自己抱住囝囝Jacques 大肚裸照，遮掩重要部位，既性感又溫馨~
楊愛瑾（Miki）
去年11月宣布懷孕嘅楊愛瑾（Miki）一直低調封嘴不提所有關於BB嘅事，直到上星期Miki 喺網上放出自己嘅靚靚孕照，晒出八個月巨肚。
蔣怡
早於2013年蔣怡懷孕九個月時已經影咗輯半裸孕照，性感身材一覽無遺。
葉翠翠
懷孕7個月嘅葉翠翠以多款性感內衣配薄紗造型拍攝性感孕照，好唯美啊！翠翠表示﹕「時間過得好快好快，想不到已經就快見到小王子了。大肚照原來都可以好靚，我影咗幾套衫，希望大家都喜歡！」
P!NK
美國女歌手P!NK 於2016年都有分享出性感又溫馨嘅孕照。懷第二胎嘅P!NK 喺圖中上身半裸，用雙手遮住重要部分，而五歲囡囡Willow 就用一對手仔摸住媽媽嘅大肚。
