今時今日鍾意睇書嘅人愈嚟愈少，所以唔少書商都要想盡辨法，大搞噱頭。為咗吸引讀者買書，日本一年四季嘅書展都會搵代言人，一眾暖男令人對閱讀嘅興趣即刻飆升。會唔會太過份啊，好想買書啊！
日前書展官方 (讀書のフェア) 公布2017年春季書展嘅代言人，係人氣男子組合GENERATIONS 嘅成員 － 片寄涼太！哇冇得輸！相信一定有好多少女FF可以同涼太一齊午後休閒咁睇書...... (心心眼！佢睇邊本我買邊本！)
GENERATIONS 另一成員岩田剛典係慶應大學畢業嘅高材生。過往兩度擔任書展嘅代言人，吸眼度及說服力都超高啊！
冬季版暖男剛典！
《逃避雖可恥但是有用》嘅男主角星野源都擔任過書展化言人！迷倒廣大女性粉絲嘅創作歌手嘅星野源走開文青暖男風，當然可以吸引讀者去書展啦！
充滿知性文青魅力嘅高良健吾，勁似所謂嘅「大學學長」。海報上寫住：「喜歡正讀著書的你。」( 嗚呀！！！)
(海報 : 你最近有在讀書嗎？)
啱啊啱啊！一直都話開卷有益架啦！小編都要同男神睇多啲書先...... (FF)
圖片來源 : Twitter
撰文 : Amber
