當遊客坐船喺園區遊玩時，遊樂設施中嘅電影角色一直都係搵迪士尼內部演員或者機械人扮，但點解今次呢個積克船長 (Jack Sparrow) 怪怪哋嘅......點解無論外貌、神情、同聲線都同大家喺電影見到嗰個一模一樣嘅？
由Johnny Depp 主演《魔盜王》第5集《加勒比海盜：惡靈啟航》（Pirates of the Caribbean ：Dead Men Tell No Tales）將會於5月上映。4月26日Johnny Depp 為電影宣傳時驚喜現身加州迪士尼樂園「加勒比海盜」園區嘅遊樂設施中！一開始所有遊客都冇為意，當大家靠近時，呢位船長突然微笑向底下嘅遊客打招呼，大家先發現自己眼前身著海盜服嘅人就係Johnny Depp！！！遊客們超驚喜，瘋狂尖叫！
| {youtube}AsJNp5EksRc{/youtube} |
眼前嘅Johnny Depp 就好似電影中嘅船長咁，左搖右擺好似飲醉酒咁，加埋把懶洋洋嘅聲，船長完美上身！
53歲嘅Johnny Depp 2003年開始擔正出演賣座電影《魔盜王》系列，電影將佢推到事業高峰，令佢入圍奧斯卡影帝。第五集《加勒比海盜：惡靈啟航》將於5月11日在上海迪士尼首映，而5月25日喺香港上映。
圖片來源 : Internet
撰文 : Amber
