接住《不懂撒嬌的女人》播出嘅倉底劇《蘭花刼》，以低清畫質成為熱話，雖然劇情同演員都唔差，不過似乎觀眾就唔多受落喇，收視跌破20點。大家除咗討論劇情及畫質外，更有唔少網友留意到幾位主角嘅外貌完全經得起時間考驗，同十年前冇分別！
無綫將10年前嘅製作放喺黃金時間播映，成功挑戰觀眾底線，有網友更笑言無綫高層係咪套將劇當紅酒咁放足10年。不過同時都有網友大讚一眾主角凍齡有道，田蕊妮、蘇玉華、唐寧、胡定欣及馬蹄露幾位女演員同十年前一樣樣，如果唔係畫質問題都唔覺套劇係十年前！
唐寧雖然已為人母，但個樣都可以Keep住好年輕。同時都有同大家分享自己嘅凍齡大法，佢認為食素可以令人會開心同健康啲，人開心先可以保持青春。
田蕊妮
蘇玉華
唐寧
胡定欣
馬蹄露
一眾男演員都keep得好好，幾位「凍齡型佬」絕對唔輸蝕畀一眾女藝人！
陳錦鴻
胡諾言
黃智賢
圖片來源：TVB、Instagram、Facebook
撰文：Amber
