印尼女漁業部長作風強硬 吸煙紋身炸毀漁船入選BBC百大女人榜

Vivian Leung 10 Oct, 2017


FB


印尼未試過有好似蘇西咁嘅政治人物形象!印尼海洋漁業部長蘇西(Susi Pudjiastuti)作風強硬大膽,吸煙、紋身,並下令炸毀炸毀入侵印尼內海嘅漁船。佢大膽作風更令佢入選BBC 100大女人名單 (BBC 100 Women list)。


▼印尼女漁業部長蘇西


1


現任總統佐科威多多(Joko Widodo)於2014年要求蘇西返嚟擔任部長,針對印尼海域嚴重盜魚問題,總統指需要一個瘋狂嘅人嚟打破現狀。


蘇西高中時已有紋身,並輟學、靠自學成為女商人。佢曾因為腳上紋身被議會成員Farid Hamzah指責,罵佢係「街頭暴徒」(street thug)。佢亦試過上任後係皇宮附近吸煙,被公眾讉責。蘇西則笑言佢以後永遠唔會係公眾場合吸煙,又指當地印尼對於女人有紋身係有污名化。蘇西指佢最初亦有嘗試以衣服,例如長裙,長褲遮住紋身,但之後佢開始感到就要瘋。
蘇西又指佢唔會嘗試調整自己去迎合政治主流嘅做事方法,若果佢嘗試成為其他人,佢唔會咁成功。


▼蘇西係海上不避諱吸煙 


4


 ▼蘇西係一幅公眾牆上被人畫做一個半美人魚、半戰士嘅漫畫英雄。


2


▼佢嘅女強人形象亦紅到外國,連英國查爾斯王子都讚佢係政治先驅。


 98140888 susi1


係政治上,佢針對印尼內海非法捕漁問題,作風強硬,下令炸毀入侵嘅漁船,包括中國漁船。佢指因要管理嘅海域太大,無可能一一兼顧,所以要殺一儆百。


不隨波逐流,有自己意見,堅持做自己就係最好嘅女性!


資料及圖片來源:BBC


文:維

聯 絡 我 們