之前大鼻俾遊客打嘅事大家仲歷歷在目，點知幾日前又有網民喺微博表示目擊布魯托同攝影職員被打。
©微博
呢位網民「回歸原點」話當時攝影職員見到有遊客好大力咁扯布魯托嘅鬍鬚，於是就上前勸阻。點知個女遊客就即刻破口大鬧，男遊客仲即刻打個職員。圖中blur咗嘅就係打人個男遊客；背住鏡頭個紅帽女就係鬧職員個女遊客。
©微博
當時有其他人睇唔過眼勸佢哋「文明一點」，點知個男遊客竟然話「就把你打瞎了怎麼樣」！之後有職員報警，男遊客俾人拉咗去差館，仲罰咗佢3000人民幣。呢篇微博一出大陸網民都好嬲，大家都聲討呢啲暴力行為，好多人仲分享埋自己喺上海迪士尼見到嘅「不文明行為」。
©微博
©微博
©微博
©微博
例如有網民話見過小朋友隨地大小便；亦有網民試過成為暴力事件嘅受害者，難怪連佢哋自己都話有錢寧願去東京迪士尼，睇嚟中國人嘅質素真係仲有排改善啊。
圖片及資料來源：微博
撰者:Kinnie
