蟻民 Ants Public

2016果陣，亞馬遜（下稱Amazon）公佈咗一段無人便利店嘅概念片，當時震撼科技界，引起全球熱議。喺影片可以見到，消費者只要拎住電話嘟一嘟，就可以入去挑選貨品，然後走人，唔洗再排隊比錢。本週一（1月22日），依間科技界引頸期盼、位於美國西雅圖嘅首間無人超市正式開業。

Amazon Go位於西雅圖第七大道2131號和Blanchard路口，佔地1800平方英呎，營業時間係周一到周五早上7:00到晚上9:00。
Amazon透過感應器、相機鏡頭等技術打造咗Amazon Go無人便利店，強調唔會有排隊人潮、都唔會有收銀櫃台。消費者只要憑Amazon帳號、app就可以喺店內消費。首先喺入口處掃描Amazon Go App、確認身份，然後就可以揀貨品拎喺手，走出店面就完成付款，消費金額會喺Amazon帳號內自動扣除。

開幕當日有唔人市民同媒體都急不及待親身體驗。外媒表示，佢地親身體驗過，即使摭住產品外觀、抱喺懷內再走出店面，系統都仍然感應到取貨行為，所以話喺店內偷竊都唔係咁易。
不過雖然話就話係無人超市，但店內其實都仲有員工，例如處理生鮮食品嘅廚師、酒類販售區都有員工檢查證件，睇嚟要成為一間真正嘅「無人」便利店，亞馬遜仲有一段好長嘅路要行。