男友偷加減肥藥俾女友 結局竟然係咁……

Kinnie Cheuk 22 Mar, 2018



大家可能都試過俾另一半叫減肥,但估唔到韓國有個男朋友唔單止口頭上叫,仲付諸實行偷加減肥藥俾女朋友!


話說有個女仔喺論壇開post,話自己拍拖前身形都算完美,而且仲有keep住運動。但當佢拍拖後就愈嚟愈懶,一得閒就會食野,連運動都懶得去做,結果短短一年佢就重咗8公斤!



佢男朋友開始叫佢減肥,仲成日好貼心準備啲咖啡同茶俾佢飲,而佢亦開始成日都頭暈,心跳得好快,有時仲會失眠~佢本來仲以為係自己工作壓力太大,所以更加食多咗嘢諗住放鬆自己。



直至有一日佢見到男朋友準備熱茶嗰陣,竟然加咗減肥藥落去!佢男朋友亦好誠實咁話本身諗住用藥幫佢減肥,點知佢減唔到不特止,仲愈食愈多。


女朋友好嬲,就將件事放上網,仲叫網友評下理,到底佢應唔應該原諒男朋友。



好多網友都話呢個男朋友好恐怖,仲叫樓主男朋友都食啲減肥藥,試下失眠嘅滋味~



最後個女朋友都原諒咗男朋友,如果你哋係事主又會有咩決定呢~


圖片及資料來源:Dispatch,網上
撰者:Yee

聯 絡 我 們