蟻民 Ants Public

讓座依個話題經常引起人熱議，有人認為讓座比老人係天經地義，亦有人認為讓座並唔係年輕人嘅責任。喺日本宮城縣仙台市一位老伯，為咗幫佢即將上車嘅16位老人協會朋友霸位，竟然寫紙放喺座位到叫大家讓位比佢地？

據日本《J-CAST》報導，日本時間9號上午9點左右有一位老伯喺仙台站上車，佢一上車就喺空位放上紙張，上面寫住「下一站會有16名老人上車」，暗示大家唔好坐依啲位，要留比佢下一站上車嘅老人協會成員。有好多車上嘅民眾都唔好意思坐低，只好齋企。

事件喺網上引發熱議，好多人都認為佢地嘅行為太過自私，覺得就算係老人家，咁樣嘅行為都係唔恰當，而且如果想坐，就應該買指定席。老人會秘書長回應果陣就話無聽過依件事，但的確有收到指責嘅電郵同電話，已經發出聲明向大眾道歉。