對好多女仔嚟講，有人幫到你影靚相簡直係天大嘅喜悅，不過相就唔係個個影得靚，特別對某啲男仔嚟講都有啲難度！不過而家無野好驚啦，因為最近韓國推出咗一個幫手影相嘅apps，真係連手殘都影到靚相。
依個apps叫「SOVS」，原意係設計比獨自去旅行，需要搵陌生人幫手影相果陣用，只要用依個apps，對方就可以幫手影到你心目中嘅相。啱啱推出果陣簡直風靡全韓國～
至於操作上亦超級人性化，可以話係零失敗率，首先你要先去背景模式，事先影低你想影嘅背景，然後再進入人像模式，將人物模型放喺你一陣想企嘅地方就得，而且仲有高度同姿勢選擇，系統仲會根據你嘅高度自動幫你調較人像大小。
所有野都設定好哂後，你就可以搵人幫你影相，頭先設定嘅野就會變半透明，幫你影相嘅人只要對準影，就可以影到張符合你心水嘅相啦～
而且應用程式入面已經內置埋filter，一個apps就可以解決所有野，不過個apps就價值8蚊港紙，覺得值得就馬上行動啦！
圖片來源：SOVS
撰文：Yanica
