伊朗嘅法律一向都婦女有諸多限制，例如自1979年起就禁止女性去球場睇波，聲稱要「保護女性免受庸俗風氣影響」，但其實過往多次有女性嘗試過偷去球場睇波。而最近又有女性用「女扮男裝」的方式混入球賽，雖然最後都係比人發現，比當局逮捕，但佢地表示完全無後悔。
據外媒報導，有幾名女球迷為咗睇冠軍隊柏斯波利斯隊（Persepolis）嘅球賽，不惜著男裝、戴假髮同痴鬍鬚，成功瞞過保安混入球場。佢地入場後除咗影相留念外，亦同其他男觀眾一樣唱歌歡呼，情緒高漲。
雖然最後佢地都係被逮捕，但事後佢地接受訪問果陣表示唔會後悔，而且仲會繼續冒險，因為佢地想話比當局知，無論佢地點阻礙，佢地都係會不斷嘗試。之後佢地亦喺instagramPO出相關照片，引嚟唔少網友留言支持，讚賞佢地嘅勇氣，亦有人留言話希望佢地有朝一日可以光明正大咁入場。
當局聲稱佢地只會暫時「扣留」，將女性們轉移到「洽當」嘅地方就會釋放佢地。
圖片來源：mohadeseh.mahdavifar@instagram
撰文：Yanica
