唔少人深信手相可以反映個人金錢、愛情、健康運程，原來腳趾嘅形狀同樣反映人嘅性格，小編自己測試完，有似層層喎～
#羅馬腳
羅馬腳即尾指至腳趾公由矮至高排列有序。呢種腳型既人心地善良、寬容大方，可以與自己性格唔一樣嘅人相處融洽，人緣甚佳！
#希臘腳
希臘腳是指食指比腳趾公長，形成三角型。呢種腳型既人較有創意，對生活充滿熱情，頑皮唔悶得，所以有時會搞下惡作劇，帶嚟愉快嘅氣氛。
#方形腳
方形腳嘅人每隻腳趾都差唔多長（即使腳趾公凸出嚟少少）形成四四方方嘅形狀。呢類人思慮周詳、誠實有耐性，好願意諗計幫人解決難題，同時係實用主義者～所以浪漫呢家佢地就唔會諗咁多喇！
#尾指特別短
睇落好似羅馬腳，但尾指卻明顯比較短，呢類人自我保護意識比較強，把口好密，唔會輕易洩漏自己私隱或者同人分享心事。
#腳趾罅大
腳趾罅大到腳趾好難泊埋一齊，呢類人天生不羈愛自由，鐘意新鮮、激情，喜歡流浪，係一隻無腳嘅雀仔。
#軍人腳
軍人腳指除咗腳趾公特別長之外，食指到尾指都差唔多長。呢類人好勝心比較強，如果遇到持相反意見嘅人，一定會竭盡全力堅持己見直至贏為止。佢地興趣廣泛，但欠缺恒心，熱情很容易被冷卻。
#腳趾傾斜
腳趾傾斜指食指同中指分得開，而食指就挨落腳趾公度。呢類人天生係和平守護者，凡事以和為貴，好識得中和氣氛。
#腳趾公挨埋一邊
腳趾公同食指分得好開，而其他腳趾就泊埋一齊，呢類腳型嘅人性格獨立，陶醉在自己世界。
資料來源：Little Things官網
撰文：鋼牙真漢子
