有無朋友仔會喺日本過情人節呢? 有嘅話就唔好錯過日本Starbucks推出嘅情人節限定布丁，同另一半一齊食甜品，個布丁杯仲有其他用途添~
Starbucks一推出之後，唔少日本網民都post相上Twitter同Instagram分享呢兩款情人節限定甜品!黑白色嘅設計有別於之前嘅產品，黑色布丁盒係朱古力口味布丁，盒上亦有心心圖案!
白色盒就係牛奶吉士味，布丁盒嘅外層仲有一層紙盒包裝，超高質感嘅設計令人想帶佢返屋企!
▼ 唔少人急不及待將買到布丁嘅相post上唔同嘅社交平台，令到#星巴克布丁瞬間成為社交平台熱話，因為呢兩款布丁每日都超高速咁賣晒，如果你咁好彩買到，記住影張相同大家曬下啊! (圖片來源：@dolcemilkimilk / @yuuka_a_k)
▼ 唔少情侶都有影相放下閃光彈♥♥♥ (圖片來源：rkk00sr)
▼ 呢位小妹妹嘅笑容仲甜過個布丁:p (圖片來源：jinuco)
.
▼ 食完布丁唔好掉咗佢啊! 發揮小創意，其實布丁杯仲可以成為小盆栽，唔少網民都用布丁杯來盛載仙人掌呢類小植物，點綴家居之外仲可以成為同另一半嘅愛情小盆栽! (圖片來源：snowdarumaruko/ tomi0426)
▼ 布丁杯甚至可以成為家居小擺設，只要你諗得出就做得到! (圖片來源：hosino_teturou/ smk._.34)
點解香港無得賣!!!!!點解!!!!! 如果你咁啱呢幾日喺日本，就唔好錯過呢款情人節限定嘅布丁喇! (小編係日本又點...咪又係自己一個食)
圖片來源：網上
撰文：陽光小毒毒
